ROXAS CITY – Ginabulong na sa ospital ang isa ka lalaki nga nagtuyo magpanginmatay pinaagi sa pagbuno sa iya kaugalingon sa Barangay Culasi, sining syudad.
Nasapwan sang iya asawa ang duguon nga biktima sa ila nga hulot rason nga nagpangayo ini sang bulig sa ila tupad balay nga amo ang nagpanawag sa Capiz Emergency Response Team (CERT).
Suno sa ugangan sang biktima nga posible nagsunggod ang iya nga umagad bangud sa kapaslawan nga makaupod sa lubong sang iya nga lola.
Paathag sang ugangan nga nagpulaw kagab-I ang biktima kag nagdumdum sila nga kapoy ini rason nga sila na lamang ang nag-upod sa lubong.
Suno naman sa isa ka nagbulig tawag sa rescuers nga kutsilyo ang gingamit sang biktima sa pagbuno sa iya tiyan.
Nakita man sini nga nagahigda sa katre ang biktima, maluya kag malapsi na bangud sa dugo nga gikan sa iya pilas sa tiyan.
