Arestado ang isa ka lalaki nga ginakabig Most Wanted Person nga Rank-7 sa Regional level, Rank 6 sa Provincial Level kag Rank 4 sa Municipal Level matapos nga ginserbehan sang warrant of arrest sa banwa sang Dumarao.
Ang wala na ginhingadlan nga akusado ang nagapangatubang sa kaso nga 3 counts sang Rape kag paglapas sa RA 7610 ukon ang “Special Protection of Children Against Abuse, Exploitation, and Discrimination Act.”
Ang nasambit nga warrant of arrest ang gin-issue kag ginpirmahan ni Hon. Joan Marie B. Bargas-Betita Presiding Judge RTC, 6th Judicial Region, Branch 14, Hall of Justice, Roxas City, Capiz.
Wala naman sang may ginrekomendar nga pyansa ang korte para sa kaso nga Rape, samtang naglab-ot naman sa P200,000 kada isa para sa 3 counts nga kaso sa pagbayolar sang RA 7610 ukon ang “Special Protection of Children Against Abuse, Exploitation, and Discrimination Act.”.
Sa karun, yara na ini sa kustodiya sang Dumarao MPS para sa nagakaigo nga disposisyon.