Boluntaryo nga nagsungka sa kapulisan ang isa ka lalaki nga ginakabig Top 3 Most Wanted Person sa municipal level kag Top 8 Most Wanted Person sa provincial level sa banwa sang Jamindan, Capiz.
Ang subject person amo si alyas “Noynoy,” 20 anyos, ukag residente sang Brgy. Pangabuan, Jamindan, Capiz.
Sa interview sang Bombo Radyo kay Police Captain Jaypee Silvestre, Jamindan Municipal Police Station, iya ginpahayag nga nagpakita ini sa istasyon sang kapulisan alas-5:37 sang hapon sang Hunyo 22.
Suno kay Sables, ang nasambit nga subject person ang ginapangita bangud sang kaso nga Statutory Rape sa idalom sang Article 266-A, Paragraph 1(d) sang Revised Penal Code nga gin-amendar sang Republic Act 11648, nga may Criminal Case No. C-26-2887-06.
Ang warrant of arrest ang ginpirmahan ni Presiding Judge Rommel Lacson Leonor sang Regional Trial Court, Branch 21 sa Mambusao, Capiz sang Hunyo 22, 2026, kag wala sang piyansa nga ginrekomendar para sa temporaryo nga kahilwayan .
Sa subong, yara na sa kustodiya sang Jamindan Municipal Police Station ang nasambit nga persona para sa nagakaigo nga disposisyon antes itugyan sa korte nga nagpagwa sang warrant of arrest.
