ROXAS CITY – Wala na sang kabuhi ang lalaki sang nasapwan sa may kilid sang suba sa Sitio Lanipga, Brgy. Sinamongan, Pilar, Capiz.
Ginkilala ang biktima kay Roger Evangelista, 48 anyos kag residente man sang nasambit nga lugar.
Sa nakuha nga impormasyon sang Bombo Radyo Roxas nagikan sa Pilar MPS, samtang nagalakat sa may kilid aang suba ang isa sa mga residente sang lugar nga ginkilala kay Rey Dema 48-anyos takna alas 1:45 sang kaaganhon kaupod ang duha sini ka mga kabataan sang nadiparahan nila ang biktima nga nagakaya kag wala na sang kabuhi kag ginapahayag nga yara na sa stge of decomposition.
Bangud sini, gilayon nga nagpangayo sang bulig si Dema sa ila barangay kag ginpadulungan man ini kag ginkumpirmar sang iya mga himata.
Matandaan nga sadtong Hulyo 23 pa una na nga ginreport sang asawa sang biktima nga si Marivic Evangelista 41-anyos kag ginpahayag nga nadula apang wala ini nakit-an.
Sa karun padayon pa ang imbestigasyon sang mga otoridad kag natalana nga ipaidalum sa post mortem examination ang nasambit nga biktima.
