TAGUM CITY, DAVAO DEL NORTE- Ginpadangat sa ospital ang isa ka lalaki matapos ginluthang sa sulod sang isa ka videoke bar sa Tagum City, Davao del Norte. Ang ginatudlo nga rason sang krimen, amo ang ginapahayag pagpangagaw sang biktima sa kanta sang suspek.
Sa isa ka report, ginsiling nga natabo ang insidente sa isa ka videoke bar sa Barangay Magugpo sa Tagum City.
Suno sa kapulisan, nakig-inuman ang 25-anyos nga biktima sa isa pa ka kaupod sa nasambit nga establisimyento. Samtang malapit lang ang agwat nila sa pwesto sang suspek.
Ginapahayag naakig ang suspek sang gin-agaw sang biktima ang kanta nga ginpili niya sa videoke machine.
Antes naghalin ang suspek, nagabot ini sang armas-luthang kag ginpalukpan ang biktima nga gin-igo sa sag-ang.
Madasig naman nga nakapalagyo ang suspek samtang ginpadangat sa ospital ang biktima.
Padayon nga ginalalip sang mga pulis ang suspek.
