BAYBAY, ROXAS CITY – Natabangan sang lifeguard ang isa ka lalaki nga ginapahayag nalumos kahapon nga adlaw sang hapon Abril 26, 2025 sa Barangay Baybay, Roxas City.
Ginkilala ang lalaki nga nalumos kay Roland Cabrera, ginabulubanta nagapang-edaron sang 40-anyos kag residente sang Brgy. Taslan, Dumarao, Capiz.
Sa interview sang Bombo Radyo sa lifeguard nga si Marcel Martin, nagdesisyon ini nga i-CPR ang lalaki bangud nakit-an sini nga nagakayaon sa manabaw nga bahin sang baybayon kag ginpabay-an sang iya mga kaupdanan bangud sa pagpati sang mga ini nga hubog lang ang amo nga lalaki.
Ginhimulsuhan sini ang lalaki kag natukiban nga mahina ang pulso rason nga iya gin-CPR agud makaginhawa. Naka-recover ang amo nga lalaki kag gindala sa malapit nga ospital sang katapo sang Roxas City Emergency Response Team. //END
