Lalaki nga ginapangita sang rescue team, nag-upod mismo sa search and rescue operation bangud wala ini nakahibalo nga siya gali ang missing person

Isa ka lalaki sa Turkey ang wala nakahibalo nga siya gali ang ginapangita sang search and rescue team matapos nga nadula sa isa ka kagulangan .

Ang lalaki amo si Beyhan Mutlu, 50-anyos, nga nagpalayo sa iya mga abyan pagkatapos mag-inom sa kagulangan sa İnegöl, Bursa.

Matapos ginreport sang iya asawa kag mga abyan nga nadula ini, aksidente ini nga nag-upod sa mga rescuers nga nagapangita sa iya kag nagboluntaryo pa nga mag-upod sa operasyon.

Natapos lamang ang pagpangita sang ginsinggi sang isa ka boluntaryo ang iya bug-os nga ngalan kag nagsabat siya nga didto lang siya.

Sang ulihi, nakumpirmar nga siya mismo ang nadula kag gindala pabalik sang mga pulis sa ila puluy-an nga wala sang may ginpasaka nga panumbungon batok sa iya.