NEGROS ORIENTAL – Arestado sang mga otoridad ang lalaki nga ginapatihan imbolbado sa vote-buying sa isa ka checkpoint sa Barangay Lutao, Bacong, Negros Oriental matapos nakit-an ang mga sobre nga may unod nga kwarta kag sample ballots, sa nagahilapit nga adlaw sang eleksyon.
Suno sa Philippine National Police (PNP), P100 kag P500 nga kwarta ang nakit-an nga nakaplastar sa mga sobre rason nga nagtuga sang suspetsa nga may yara sang insidente sang vote-buying.
Apisar gilayon nga ginbuy-an ang lalaki, ginpahayag sang mga otoridad nga ipasa ang reklamo sa komitiba sang Kontra Bigay sang Commission on Elections (Comelec).
Samtang nagapadayon ang preparasyon sang mga poll watchers kag mga manunudlo para sa eleksyon sa Lunes. Ginturn-over ang mga opisyal nga balota kag automated counting machines sini nga Domingo, samtang ang mga materyales ang gindul-ong sa mga isla sa bulig sang isa ka sakayan kag gin-updan sang mga opisyal, pulis, kag coast guard.
Para sa malayo nga mga duog, ang mga dump truck gingamit sa pagdul-ong sang mga kagamitan, nga ginaupdan sang mga soldado para sa seguridad.
