Nakuhaan sang ginapatihan illegal nga droga ang isa ka lalaki nga wala na sang kabuhi sa iya nga bulsa sa isa ka Hospital sa Barangay Bailan Pontevedra, Capiz.
Ginkilala ang amo nga persona kay alyas Joey, 46 anyos kag residente sang Sitio Kampo, Barangay Poblacion President Roxas, Capiz.
Sa impormasyon nga nakuha sang Bombo Radyo nagikan sa President Roxas MPS, ginpahayag nga may nabaton sila nga report nagikan sa isa ka security Guard nga may ginpadangat sa ospital nga isa ka persona nga ginbawian sang kabuhi kag nakuhaan sa bulsa sang isa ginapatihan illegal nga droga.
Narekober sa bulsa sang bangkay ang duwa tanan ka sachet sang ilegal nga droga,isa ka wallet nagaduag itom,aluminom foil kag mga drug paraphernalia’s.
Sa karon, yara na ang bangkay sa isa ka punerarya kag nakatalana nga ipadala ang mga narekober nga droga sa Provincial Forensic Unit- Capiz para sa nagakaigo nga disposisyon.
