Nagapabilin sa ospital ang isa ka lalaki mataposbin-on sa ilimnan sa Barangay Manhoy, Dao, Capiz.
Ang biktima amo si alyas “Dodoy,” yara sa legal nga pang-edaron, samtang ang suspek amo si alyas “Nonong,” yara man sa legal nga pang-edaron kag lunsay residente sang nasambit nga lugar.
Sa interview sang Bombo Radyo kay Police Captain Rey Contreras Dordas , Officer in charge sang Dao Municipal Police Station, iya ginpahayag nga samtang naga-inum-inom ang biktima kaupod ang iya mga abyan sang hinali lang nga nagpalapit ang suspek agud kuntani nga magbadlong.
Suno kay Dordas, nagluntad ang mainit nga diskusyon sa tunga sang duha nga nagresulta sa komprontasyon.
Gilayon nga nagsulod sa iya balay ang suspek kag nagkuha sang sundang ukon bolo antes niya ginpangbuno ang biktima sa nagkalain-lain nga bahin sang iya lawas.
Madasig naman nga gindala sa ospital ang biktima para sa nagakaigo nga pagbulong.
Samtang,gilayon man nga nadakpan ang suspek nga yara na sa kustodiya sang Dao Municipal Police Station
Sa subong, padayon ang imbestigasyon sang kapulisan may kaangtanan sa nasambit nga insidente samtang ginahulat ang desisyon sang biktima kun magapasaka sang panumbungon.
