ROXAS CITY – Patay ang 31-anyos nga lalaki samtang ginabulong sa ospital bangud sa apat ka mga patal nga pilas nga naangkon sa lawas matapos nga ginluthang sang wala pa makilala nga suspek.
Ginkilala ang biktima nga si Larry Flamiano sang Barangay Taslan, Tapaz, Capiz.
Sa inisyal nga imbestigasyon sang Tapaz PNP, nagaguwa nga nagainum ang biktima kaupod ang mga abyan sa balay ni Rodulfo Valderama sang may nagpanitsit.
Naguwa ang biktima para tsekyaron kun sin-o ang nagpanitsit, apang amo na lamang ang ila nga kakibot sang nakabati sila sang pito ka mga lupok kag kasunod ang pagkatumba sang biktima nga nag-angkon sang pilas sa natuo nga paa, dughan, abaga ulo kag lawas.
Samtang padayon ang imbestigasyon sang kapulisan, agud matumod ang suspek kag motibo sa krimen.
