TAPAZ, CAPIZ – Ginbawian na sang kabuhi samtang ginabulong sa ospital ang 33-anyos nga lalaki matapos ginluthang sa Barangay Wright, Tapaz, Capiz.
Nag-angkon sang patal nga pilas sa ulo kag nawala nga paa ang biktima nga si Ireneo Yesca Jr.,sang nasambit man nga lugar.
Ba-se sa imbestigasyon sang Tapaz Municipal Police Station nga nagalakat ang biktima sa barangay hall sang luthangon sang suspek nga si Roldan Castromayor 37-anyos kag live-in partner sang utod sini.
Gilayon nga nagpalagyo ang suspek sakay sa iya nga motorsiklo matapos ang krimen.
Ginapatihan nga daan nga hiligut-anon ang motibo sa pagluthang sang suspek sa biktima.
Samtang narekober sang kapulisan sa ginluntaran sang insedente ang isa ka fired cartridge kag 2 ka unfired cartridge sang .45 kalibre nga armas.
