-- ADVERTISEMENT --
ROXAS CITY – Yara na sa isa ka punerarya ang bangkay sang 44-anyos nga lalaki nga nalumos sa suba sang Sitio Agtinapay, Barangay Ilaya, Ivisan, Capiz.
Ginkilala ang biktima nga si Ricky Dolor sang nasambit nga lugar.
Ginpahayag ni Police Staff Sergeant Edward Peter Hari-on sang Ivisan Municipal Police Station nga ba-se sa imbestigasyon antes nagluntad ang insedente, nag-inum sa bilasyunan ang biktima kag sa iya pagpauli nadanlog kag nahulog sa suba.
Nakita sang pila ka mga pumuluyo nga naga-ekis ekis na maglakat si Dolor.
Gindala pa sa ospital ang biktima, apang gindeklara ini nga dead on arrival sang doktor.
-- ADVERTISEMENT --
Nahibaluan nga kahapon pa lamang nagbubo na ang mamunog nga pag-ulan tuga sang malain nga lakat sang panahon.
