ROXAS CITY – Dead on Arrival ang isa ka lalaki, matapos ginapahayag nga ginbuno sa Barangay Casanayan, Pilar Capiz.
Ginkilala ang biktima nga si Renan Galosmi, 36-anyos, nga residente sang Santa Fe Pilar sa amu nga banwa samtang ang ginapahayag suspek ang ginkilala kay alyas Janjan.
Sa impormasyon nga nakuha sang Bombo Radyo sa Pilar Municipal Police Station, ginapahayag nga nagtabuay ang biktima kag suspek sa isa ka tyangge sa Sitio Kalubihan sa nasambit nga lugar.
Mahibaluan nga pag-abot sa lugar, nagbinaisay ang mga ini kag didto may nagluntad nga komosyon kag hinali na lamang nga ginbuno sang suspek ang biktima nga naigo sa nawala nga parte sang iya kili-kili, tuhod kag ulo.
Mahibaluan nga lunsay yara impluwensya sang makahulubog nga ilimnon ang nasambit nga biktima kag suspek.
Gilayon naman nga ginpadangat sa Bailan District Hospital ang biktima apang gindeklarar ini nga dead on arrival sang doctor.
Samtang madasig naman nga nakapalagyo ang suspek matapos nakumiter ang krimen.
Sa karon, nagapadayon pa ang hot pursuit operation sang mga kapulisan agud matigayon nga madakpan ang nasambit nga suspetsado.
