Sa subong nga panahon mga ka-bombo kadam-an sa mga tawo mas gusto gid ang malahalon nga singsing kag bongga nga kasal.
Sa kinaandan, ang mga lalaki nga luyag magpakasal sa ila nobya, nagahatag gid sang engagement ring.
Apang gapati bala kamu nga kon palangga mo ang isa ka tawo, indi na kinahanglan pa nga maghatag ka sang malahalon pa? kag mas pillion mo nalang inang simple lang, basta masadya!
Bangud isa sa ka lalaki ang nangin trending kag nag-viral matapos nga nag-propose ini sa iya nga nobya gamit ang kuring sa baylo nga engagement ring.
Suno sa lalaki, indi niya affored magbakal sang malahalon nga singsing, kabangdanan nga nagpaminsar ini sang maayo nga himuon sa pag-propose niya sa iya nobya.
Matapos ang pila ka adlaw, nagdesisyon ini nga kuring ang iya ihatag sa baylo nga engagement ring bangud magluwas nga wala na siya sang gasto kay iya lang ini nga gin-rescue, nasiguro niya nga magustuhan gid ini sang iya nobya nga isa man ka cat lover.
Tuman man ang kalipay sang lalaki bangud wala siya nagsala sa iya ginhimo, naappreciate man sang iya nobya ang kuring kabangdanan nakuha niya ang matam-is sini nga Huo nga magpakasal sa iya.
