Lalaki nga mabakal kuntani sang pamahaw, patay matapos mabungguan sang van

Patay ang 25 anyos nga lalaki matapos mabungguan sang utility van samtang nagatabok sa pedestrian lane sa Calamba, Laguna.

Magabakal kuntani sang pamahaw ang biktima nga trabahador sa pabrika sang natabo ang trahedya.

Makita sa CCTV footage ang biktima nga nagapundo sa tunga sang karsada kag nagatulok sa iya tuo bangud sa nagapadulong nga salakyan. Apang hinali lang nga nagtuhaw ang madasig nga utility van halin sa pihak nga direksyon kag ginbungguan ini.

Ginpahayag nga gintuyo pa nga lagson sang mga nakakita ang van apang napaslawan ini nga malab-ot.

Padayon ang imbestigasyon sang mga otoridad agud matumod ang plaka sang salakyan kag madakpan ang driver.