ROXAS CITY-Pilas sa tiil ang naangkon sang 43-anyos nga mister matapos nga gin-alegar nga ginlampusan sang pala sa Barangay Linao, Panay capiz.
Ginkilala ang biktima nga si Rogeuil Bula, residente man sang amo nga lugar.
Sandig sa alegasyon sang biktima samtang nagalakat ini sa dalan agud magbakal sang posporo, gintawag ini sang suspek nga ginkilala nga si Edwin Bacero kag hinali ini nga ginlampusan sang pala sang tiil.
Gilayon nga gindala sang iya mga himata sa Roxas City Police Station ang biktima agud madapatan sang first aid sang mga katapo sang Bureau of Fire Protection.
Sa karon blanko pa ang biktima sa motibo sang suspek sa paglampus sa iya sang pala bangud wala ini sila sang may ginbaisan kag daan nga hiligut-anon.
Namutikan nga yara sa idalom sang impluwensiya sang makahulubog nga ilimnon ang amo nga suspetsado.
