Isa ka lalaki sa India nangin viral pagkatapos matukiban nga may yara siya sang kabug-usan nga 28 ka tudlo sa kamot kag tiil, isa ka talagsahon nga medival condition nga kilala bilang polydactyl.
Ang lalaki amo si Devendra Suthar, isa ka panday, nga may pito ka tudlo sa tagsa ka kamot kag tiil, sa baylo sang kinaandan nga lima.
Bangud sini, nangin kaladlawan siya sang iya mga kaupdanan sa trabaho.
Suno sa mga report, ang polydactyl isa ka congenital nga kondisyon ukon congenital defect, sa diin ang isa ka tawo natawo nga may dugang nga mga tudlo.
Apisar sang iya pinasahi nga kondisyon, ginadayaw siya gihapon sang iya mga kaupod bangud sa iya dedikasyon sa pagtrabaho bilang panday.
Suno sa iban, ang iya mga proyekto pulido, kag ang iban nagasiling nga ang iya dugang nga mga tudlo mahimo makabulig sa iya trabaho.
Sa madamo nga kultura, ang mga tawo nga may amo sini nga kondisyon ginakabig kon kaisa nga may pinasahi nga mga ikasarang ukon swerte.
Sa kaso ni Suthar, sa baylo nga mangin isa ka sagabal, para sa iya ang iya kahimtangan daw nangin bahin sang iya identidad kag propesyonal nga kadalag-an.
