Lalaki nga may ginasupreher nga epilepsy, nalumos sa suba

ROXAS CITY – Patay ang 57-anyos nga lalaki, matapos ginapatihan nga nalumos sa suba nga sakup sang Barangay Agbanban, banwa sang Panay.

Ginkilala ang biktima kay Victor Ugay Pabelico, wala sang asawa, kag residente sang nasambit nga barangay.

Sandig sa inisyal nga imbestigasyon ni PSSgt. Ryan Barrera sang Panay MPS, ala-1:20 sang hapon, Hulyo 19, sang nasapwan sa suba ang nagalutaw-lutaw nga bangkay sang biktima, sang iya bayaw nga si Noel Bernas, kapin 15 metros ang kalayuon nagikan sa balay sini.

Ginapatihan sang pamilya nga gin-abot sang sakit nga epilepsy si Pabelico kag nahulog sa suba.

Sa karon, yara na sa punerarya ang bangkay sang bitkima.