Lalaki nga may inagihan sang pagbuno, nasapwan-patay sa Brgy. Mongpong, sini nga syudad

ROXAS CITY – Patay na sang masapwan ang isa ka lalaki sa may bahin sang Sitio Dulunan, Brgy. Mongpong, Roxas City.

Sa inisyal nga impormasyon nga nakuha sang Bombo Radyo, ginkilala ang biktima kay Wilfredo ‘Lagtok’ De Domingo, nagapang-edaron sang 21-anyos kag residente sang nasambit nga barangay.

Nakit-an ang pilas sa kilid sang biktima nga tuga sang pagpangbuno.

Sa pagpakig-angut sang Bombo Radyo kay Elmer Francisco, residente sang nasambit nga lugar, katapusan sini nga nakita ang biktima kahapon nga adlaw, nga yara sa impluwensiya sang mkahaulubog nga ilimon, apang ginsiling sini nga wala man sang kontra sa ila barangay ang nasambit nga biktima.