Arestado ang isa ka lalaki matapos ginserbihan sang warrant of arrest sang mga kapulisan sa Pueblo de Panay Barangay Lawaan, Roxas City.
Ang arestado amo si alyas Arr, 39-anyos, residente sang Barangay Punta Tabuc, Roxas City.
Sa interview sang Bombo Radyo kay Police Lieutenant Colonel Rogelio L Tomagtang Jr., Chief of Police sang Roxas Component City Police Station, iya ginpahayag nga gin-isyu ang warrant of arrest sang Municipal Trial Court in Cities, Branch 4, Roxas City.
Suno kay Tomagtang, ang kaso sang arestado amo nga Act of Lasciviousness nga may yara sang P36,000 ang ginrekomendar nga piyansa sang korte para sa temporaryo nga kahilwayan sang akusado.
Sa subong, yara na ini sa Roxas Component City Police Station para sa nagaigo nga disposisyon.
