-- ADVERTISEMENT --
Arestado ang isa lalaki matapos ginserbe sang kapulisan ang warrant of arrest sa Barangay Dayao, Roxas City.
Ang arestado amo si alyas abayon, 18-anyos, residente sang amo nga lugar.
Sa interview sang Bombo Radyo Roxas kay Police Lieutenant Colonel Rogelio L. Tomagtang Jr., Chief of Police sang Roxas Component City Police Station, iya ginpahayag madugay na nga ginamonitor sang kapulisan ang arestado paagi sa pagpakig-angot sa opisyal sang barangay.
Suno kay Tomagtang Jr., gin-isyu sang Municipal Trial Court Branch 4, Roxas City, ang warrant of arrest sang arestado para sa kaso nga Attempted Homicide.
Sa subong, yara na ini sa Roxas Component City Police Station para sa nagakaigo nga disposisyon.
-- ADVERTISEMENT --
