Lalaki nga may kaso nga Estafa, dakup sa banwa sang Panitan

PANITAN, CAPIZ – Nagapabilin sa kustodiya sang Panitan Municipal Police Station ang isa ka lalaki matapos ginserbihan sang warrant of arrest sa Barangay Timpas, Panitan, Capiz.

Pinaagi sa gintingub nga pwersa sang mga kapulisan sang Panitan MPS kag Provincial Anti-Criminality Team (PRO-ACT) sang Capiz PPO, nadakpan si Darwin Degones kag residente man sang nasambit nga barangay.

Kaso nga 2 counts of Estafa ang ginapangatubang ni Degones kun sa diin ginrekomenda ang P24, 000 nga piyansa para sa kahilwayan sini.

Ang amo nga warrant of arrest ang gin-isyu kag ginpirmahan ni Hon. Jennie Ann Tayag Logronio, Presiding Judge sang MTCC Branch 1, Roxas City napetsahan Enero 26, 2021.