Lalaki nga may kaso nga frustrated homicide, arestado matapos ginserbihan sang warrant of arrest sa syudad sang Roxas

ROXAS CITY- Arestado ang isa ka lalaki matapos ginserbihan sang warrant of arrest sang mga kapulisan sa Pueblo de Panay, Brgy Lawaan, Roxas City.

Ang warrant of arrest ang ginpirmahan kag ginpapanaug ni  Hon. Faustino V. Roxas Jr., Acting Presiding Judge of the Regional Trial Court, Sixth Judicial Region, Branch 18, in Roxas City napetsahan sadtong May 20, 2024.

May ginrekumendar naman nga piyansa ang korte nga Php 72,000 para sa temporaryo sini nga kahilwayan.

Sa karon, yara sa paghinakop sang Roxas Component City Police Station ang arestado para sa nagakaigo nga disposisyon.