Lalaki nga may kaso nga murder, arestado sa banwa sang Tapaz

ROXAS CITY –

Arestado ang isa ka lalaki nga may kaso nga murder kahapon nga adlaw Hulyo 2, takna alas 10:10 sang gab-i sa Barangay Sinunod, Tapaz, Capiz.

Ginkilala ang nadakpan kay Benny Glemer 40-anyos isa ka mangunguma kag residente sang amu nga banwa.

Ang warrant of arrest ang gin-isyu kag ginpirmahan ni Honorable Judge Guilljie D. Delfin-Lim Presiding Judge, RTC 6, Branch 22, Iloilo City.

Wala sang ginrekomendar nga piyansa ang korte para sa temporaryo sini nga kahilwayan.

Sa karun, yara na sa paghinakop sang Tapaz Municipal Police Station si Glemer para sa nagakaigo nga disposisyon.