-- ADVERTISEMENT --
ROXAS CITY – Nadakpan sang gintingob nga puwersa sang 1st Capiz Provincial Mobile Force Company, President Roxas kag San Dionisio Municipal Police Station ang ginakabig top 4 most wanted person sang banwa sang President Roxas, Capiz sa Barangay Moto, San Dionisio, Iloilo.
Ginkilala ang arestado kay Apollo Celeste Villanueva, 50-anyos, residente sang Barangay Sto. Niño sa nasambit nga banwa.
Kaso nga Murder kag Frustrated Murder ang pagaatubangon ni Villanueva.
Ang nasambit nga warrant of arrest ang ginpapanaog ni Judge Delano Villaruz sang Regional Trial Court Branch 16, Roxas City sang Mayo 11, 2011.
Wala naman sang may ginrekomendar nga bail bond para sa temporaryo nga kahilwayan sang nasambit nga arestado.
-- ADVERTISEMENT --
