Lalaki nga may kaso nga paglapas sa VAWC, boluntaryo nga nagsungka sa kapulisan

ROXAS CITY – Boluntaryo nga nagsungka sa Roxas Component City Police Station ang 18-anyos nga lalaki nga may kaso sa paglapas sa RA 9262 ukon Anti-violence against Women and their Children.

Ginkilala ang akusado kay John Jhester Capay Ducil residente sang Barangay Parian banwa sang Sigma.

Ang warrant of arrest ang ginpirmahan kag gin-isyu ni Hon. Acting Presiding Judge Faustino Valenzuela Roxas Jr., RTC, Branch 14, Roxas City napetsahan Hunyo 30, 2022.

Ginrekomendar sang korte ang P74,000 nga piyansa para sa temporaryo sini nga kahilwayan.

Sa karon, yara na ini sa kustodiya sang RCCPS kag natalana nga igaturn-over sa court of concern.