Lalaki nga may kaso nga paglapas sa vawc, nagapabilin sa karsel sang Dumarao

ROXAS CITY – Nagapabilin karon sa karsel sang Dumarao Municipal Police Station ang isa ka persona matapos nga ginserbihan sang mandamiento de aresto sang mga katapo sang kapulisan sa amo nga banwa.

Ginkilala ang akusado kay Junryl Generato, 38-anyos residente sang Sitio Calaga, Brgy. Gibato, Dumarao Capiz.

Nagapangatubang si Generato sang kaso nga paglapas sa R.A. 9262 ukon Anti- Violence Against Women and their Children Act of 2004 kun sa diin ang nasambit nga mandamiento de aresto ang gin-issue kag ginpirmahan ni Hon. Faustino Roxas Jr. Presiding Judge sang RTC Branch 14, Roxas City napetsahan Mayo 18, 2022.

Ginrekomendar naman sang korte ang P36,000 nga pyansa para sa temporaryo nga kahilwayan sang nasambitan nga akusado.