ROXAS CITY – Arestado ang isa ka 48-anyos nga persona matapos ginserbihan sang warrant of arrest sang mga kapulisan sa banwa sang Ivisan.
Ginkilala ang akusado kay Danilo Tupaz Diestro, kag temporaryo nga naga-istar sa Sitio Mahulak, Brgy. Ilaya-Ivisan, Ivisan, Capiz.
Pinaagi sa gintingub nga pwersa sang Ivisan MPS, Provincial Anti-Criminality Team (PROACT) kag Criminal Investigation and Detection Group (CIDG)-Capiz natigayon nga maaresto ang nasambit nga akusado sa kaso nga Rape nga may criminal case number C- 49-21.
Ang nasambit nga warrant of arrest ang gin-pirmahan kag gin-papanaug ni Hon. Ignacio Alajar, Presiding Judge, napetsahan Pebrero 15, 2021.
Wala sang piyansa nga gin-rekomenda ang korte sa temporaryo nga kahilwayan sang akusado.
Yara na karon sa kustodiya sang Ivisan MPS ang nasambit nga persona.
