Lalaki nga may kaso nga serious physical injury, arestado

ROXAS CITY – Arestado ang 58-anyos nga lalaki matapos nga ginserbihan sang warrant of arrest sang mga katapo sang Panitan Municipal Police Station sa Barangay Poblacion Ilaya banwa sang Panitan, takna 12:48 sang hapon, Hunyo 2, 2022.

Ginkilala ang arestado kay Edgardo Bibit Bilao, residente sang Brgy. Cogon sa nasambitan nga banwa.

Magapangatubang sa kaso nga Serious Physical Injury si Bilao.

Ang warrant of arrest ang ginpirmahan kag ginpapanaug ni Hon. Socorro Rapiz-Oliveros, Presiding Judge, MTC Panitan, napetsahan May 31, 2022.

Ginrekomendar sang korte ang P15,000 nga piyansa para sa temporaryo nga kahilwayan sang akusado.Sa karon, nakahunong na sa karsel sang Panitan MPS si Bilao para sa nagakaigo nga disposisyon.