-- ADVERTISEMENT --
ROXAS CITY – Arestado ang 27-anyos nga lalaki matapos nga ginserbehan sang warrant of arrest sang tingub nga puwersa sang Panay kag Passi MPS sa Barangay Nueva Union, Passi City, Iloilo.
Ginkilala ang arestado kay Edcel Lagua Pedroso residente sang nasambit nga lugar.
Magapangatubang sa kaso nga Sexual Assault si Pedroso kun sa diin ang warrant of arrest ang gin-isyu kag ginpirmahan ni Hon. Faustino Valenzuela Roxas Jr, Acting Presiding Judge, RTC, 6th Judicial Region, Branch 14, Roxas City napetsahan Hunyo 30, 2022.
Ginrekomendar sang korte ang P120,000 nga piyansa para sa temporaryo nga kahilwayan sini.
Sa karon, yara ini nakahunong sa Panay MPS para sa nagakaigo nga disposisyon.
-- ADVERTISEMENT --
