Natapos ang kasal sang isa ka South Korean couple sa isa ka komplikado nga divorce kag kaso matapos ginkasuhan sang bana ang iya asawa bangud sa “malicious abandonment” bangud sa pagpamalibad nga magdonate sang bahin sang iya atay agud masalbar ang iya kabuhi.
Ang iya bana nag na-diagnose nga may primary biliary cirrhosis kag ginhatagan lamang sang isa ka tuig nga mabuhi kon indi siya magpaidalom sa transplant.
Tuman ang kalipay sang pamilya sang natukiban nila nga 95 percent match sila nga duha, apang madasig ini nga nabayluhan sang kaakig sang nagpamalibad ang babaye bangud ginaalegar may yara ini sang “pathological fear” sa mga dagom kag matalom nga mga butang.
Ang lalaki maswerte nga nakakita sang isa ka brain-dead donor kag madinalag-on nga nakalampuwas, apang pagkatapos sang iya operasyon, gin-usisa niya ang rason sang iya asawa kag natukiban nga nagbinutig ini nahanungod sa iya phobia bangod nagpaidalom ini anay sa operasyon sa appendicitis nga wala sang isyu.
Sang gin-kompronta ini, gin-ako sang iya asawa ang matuod nga rason sang iya pagpamalibad amo ang kahadlok sa komplikasyon gikan sa operasyon kag madulaan sang iloy ang ila duha ka magagmay nga kabataan.
Apisar sang mga paathag, ginpadayon sang lalaki ang kaso, apang nagdampig ang korte sa babayi.
Sa katapusan, ang duha nagkasugot nga mag-divorce. Nakuha sang babaye ang cutody sang ila mga kabataan , apang nagpasugot ini nga maghatag sangfinancial support para sa padayon nga pag-ayo sang iya anay bana.
