Arestado ang kilala nga hold-upper sa siyudad sang Roxas matapos ginpaidalom sa drug buy bust operation sang mga pulis
Ginkilala ang arestado nga si Ronilo Eribal, 36-anyos sang Barangay 7, sining siyudad.
Nagpanindugan si Eribal nga indi sang pusher apang gin-aku sini sa Bombo Radyo nga isa siya ka user kag hold-upper.
Gin-aku man sini sa Bombo Radyo nga siya ang naghold-up sa isa ka kolektor sang lending institution kag naubos na ang P40,000 sini nga nataban sa babaye nga kolektor nga iya pa ginkastigo sang magpamalibad nga ihatag ang dala nga bag.
Mahibaluan nga matapos nagpanghold-up ang suspetsado, nagpaamulya ini sa probinsiya sang Guimaras kag didto sini gin-ubos ang kwarta nga iya nataban.
Samtang, patong-patong nga kaso naman ang pangatubangon sa karon sa suspek nga yara na sa kustodiya sang mga otoridad.
