Lalaki nga nadakpan sa entrapment operation sang CIDG, ginhilway

ROXAS CITY – Ginhilway na sa paghinakop sang Capiz Investigation and Detection Group (CIDG) ang 38-anyos nga lalaki nga nadakpan sa entrapment operation sang martes nga adlaw, Mayo 3 sa Sitio Minoro, Barangay Bula, banwa sang Mambusao.

Ini matapos nga nahulog sa regular filing ang pagpasaka sang kaso batuk kay Ernie Juderial sang Brgy. Binantucan, Pontevedra.

Mahibaluan nga nakuha sa posesyon ni Juderial ang isa ka unit sang Calibre 45 nga armas, isa ka unit sang Calibre 38 revolver, tatlo ka mga bala, duwa ka unit sang cellphone kag kapin Php 31,900 nga boddle money.

Magapangatubang ini sang kaso nga paglapas sa RA 10591 ukon Illegal Position of Firearms kag COMELEC Resolution No. 10728 (Gun Ban).