ROXAS CITY – Natalana nga pasakaan sang kaso nga paglapas sa Republic Act 9165 ukon Comprehensive Dangerous Drugs Act of 2002 ang isa ka lalaki matapos ang ginkasa nga drug buybust operation sa Barangay Poblacion Norte, Ivisan Capiz.
Matandaan nga ginkilala ang nadakpan nga si alyas Joel, yara sa legal nga pang edaron kag residente sang nasambit nga lugar.
Base sa impormasyon nga nagikan sa Ivisan Municipal Police Station, ginapahayag nga ginakabig isa ka Street Level Individual si alyas “Joel”.
Nakuha sa paghinakop sini ang apat (4) ka sachet sang ginapatihan iligal nga droga, nga may ginabulubanta 3 gramos ang kabug-aton, kag may standard drug price nga P20,400.
Sa karun yara na sa kustodiya sang Ivisan Municipal Police Station ang nasambit nga persona para sa nagakaigo nga disposisyon.
