ROXAS CITY -Ginahulat sa karon ang resulta sang post mortem examination sa bangkay sang 46-anyos nga lalaki nga ginpulihan buno sang duha ka mga suspek sa Purok 5, Barangay Acbo, Sigma, Capiz.
Dead on arrival sa ospital ang biktima nga si Sanito Arcelis bangud sa naangkon nga patal nga pilas sa tiyan, liog, dughan kag likod sang ginbuno sang mga suspek nga sanday Jesus Baranet sang Mianay, Sigma, Capiz kag Romeo Altimo 19-anyos sang Barangay Acbo, Sigma.
Sa imbestigasyon sang Sigma PNP nagaguwa nga nagtuga sang eskandalo ang biktima sa balay ni Baranet rason nga ginpapauli na lamang ini.
Apang nagbaisay sila ni Baranet rason nga ginpaguwa sang biktima ang dala nga kutsilyo, apang nakuha ini sa iya.
Lipod sa ila ihibalo sang biktima nga may dala man nga kutsilyo ang isa ka suspek nga si Altimo nga amo ang gingamit sa pagbuno sa iya sang mga suspek.
Sa karon nakahunong na sa karsel ang duha ka mga suspek matapos ang krimen.
