ROXAS CITY – Nadakpan sa ginapatigayon nga checkpoint sang mga katapo sang Kalibo PNP ang suspek sa pagpangawat sang motorsiklo sa Km. 2, Brgy. Lawaan, Roxas City.
Ginkilala ang suspek kay Ricky Matutis, 19-anyos kag residente sang San Jose, Mindoro.
Sandig sa mga kapulisan sang Kalibo, nga samtang nagapatigayon ang mga ini sang checkpoint, naglabay ang suzuki raider 150 nagaduag itom nga ginamaneho sang nasambit nga persona, kag angkas ang 16-anyos nga lalaki nga taga Nabas, Aklan.
Bangud alas-10:40 na sa gab-i, ginparahan ini sang mga pulis kag gin-imbitaran sa police station bangud sa paglapas sa curfew hours nga nagasugod alas-9:00 sa gab-i.
Nadiparahan sang mga otoridad nga indi mahim-os si Matutis, rason nga ginpangitaan ini sang dokumento sang ginamaneho nga motorsiklo.
Natukiban sa toolbox sang motor ang plaka kag dokumento nga nakapangalan kay Rene Boy Balana, Jr., nga taga Brgy., Lawaan, sini nga syudad, diri kag nagduda ang mga kapulisan nga posible kinawatan ang amu nga motorsiklo.
Bangud diri, ginpakig-angut ini sa mga kapulisan sa syudad sang Roxas kag natalana nga igaturn-over subong nga adlaw sang Lunes, ang duha ka mga persona sa Roxas City PNP para sa nagakaigo nga disposisyon.
