-- ADVERTISEMENT --
Pilas sa ulo ang naangkon sang 32-anyos nga lalaki nga na-tripingan sang tatlo ka magbarkada sa Sitio Santiago Purok 1, Barangay Libas, sining syudad.
Ginpadangat sa Roxas Memorial Provincial Hospital ang biktima nga si Roger Debuaras sang San Roque, St., Roxas City agud madapatan sang pagbulong ang naangkon nga samad.
Ba-se sa impormasyon nga ginpalab-ot ni Kapitan Richard Arrojado sa Bombo Radyo nga nagaisahanon nga nagainum ang biktima sang ginpalapitan sang tatlo ka magbarkada nga sanday Salmer Palma, Jan-Jan Mateo Luceño kag isa ka wala makilala nga lalaki kag hinali nga ginkastigo.
Gilayon nga nagpalagyo ang tatlo ka mga suspek matapos ang insedente.
Sa karon gina-ayam na ang tatlo sang mga kapulisan.
-- ADVERTISEMENT --
