Lalaki nga nagakatulog, ginluthang sa tiil

ROXAS CITY – Pilason ang isa ka lalaki matapos ginluthang sa sulod sang balay sa Barangay Balighot, Maayon, Capiz.

Nag-angkon sang pilas sa tiil ang biktima nga si Rodgie Descalsota, 48-anyos sang nasambit nga lugar.

Nagaguwa sa imbestigasyon sang Maayon PNP nga nagatulog ang biktima kaupod ang live-in partner nga si Susan Gaspar sang makabati sang duha ka lupok sang armas.

Nagbangon ang biktima matapos makabatyag sang pagngutngot sa tiil kag nakibot sang makita ang dugo sa tiil.

Gilayon nga gindala sa ospital si Descalsota para mabulong ang iya nga samad.

Nagapadayun ang imbestigasyon sang pulisya sa insedente.