ROXAS CITY – Pilason nga nagpadulong sa Roxas Component City Police Station ang 50-anyos nga lalaki matapos nga ginapahayag ginhaboy ini sang botelya kag bato, sang duha ka mga lalaki, samtang yara ini sa isa ka selebrasyon sang kasal, sa Brgy. Sibaguan, Roxas City.
Suno sa ginpabalhag sang biktima nga si Rogelio Arroyo, tricycle driver kag residente sang amu nga lugar, mga alas-12 sa tungang gab-i sang yara ini sa isa ka selebrasyon sang kasal kaupod ang pila sini ka abyan kag himata, sang hinali nalang nga ginhaboy ini sang botelya kag bato sang mga suspek nga sanday Alfredo Alaban, tricycle driver, kag Christian Alaban, sa legal nga pang-edaron, lunsay mga residente sang Brgy. San Jose, sini nga syudad, nga yara man sa amu nga selebrasyon.
Gilayon man nga nagdalagan ang duha sa wala mahibaluan nga direksyon, matapos ang pagpanghaboy.
Bangud sini, nag-angkon sang madamo nga pilas sa lawas ang biktima kag gindala sa RMPH para sa pagbulong.
Nagapdayon ang imbestigasyon sa insidente.
