ROXAS CITY-Pilas sa magkatuhay nga porsyon sang kalawasan ang na-angkon sang 21-anyos nga lalaki matapos nga gin-ayad buno sa Barangay Poblacion Ilaya, Dumarao, Capiz.
Ginkilala ang biktima nga si Aren Pardilla sang Barangay Bungsuan sang nasambit nga banwa.
Sandig sa insyal nga imbestigasyon sang Dumarao Municipal Police Station nagaguha nga natabo ang insidente sa isa ka bilasyonan kun sa diin samtang nagapangihi ang biktima, hinali ini nga ginpalapitan sang suspek nga si Jonel Coronado 27-anyos residente sang amo man lugar, kag gin-ayad buno.
Nag-angkon sang pilas sa leog, abaga, tiyan kag likod ang biktima nga gilayon nga gindala sa Iloilo Provincial Hospital kag padayon nga ginabulong.
Samtang ang suspek naman ang madasig nga nagpalagyo pagkatapos sang insidente.
Sa dugang nga imbestigasyon sang mga kapulisan nga may yara sang daan nga hiligut-anon ang suspek kag biktima.
