-- ADVERTISEMENT --
SAPIAN, CAPIZ -Pilason nga ginpadangat sa ospital ang 19-anyos nga lalaki matapos ginbuno sa isa ka bilasyunan sa Barangay Damayan, Sapian, Capiz.
Ginkilala ang biktima nga si Reneboy Ladoc sang nasambit nga lugar.
Ba-se sa imbestigasyon sang Sapian PNP, nagasugal ang biktima kaupod ang utod kag pakaisa sa isa ka bilasyunan sang magpalapit ang suspek nga si Nelo Gardose 36-anyos kasunod ang pagbuno sa likod ni Ladoc gamit ang kutsilyo.
Gilayon nga gindala sa Mambusao District Hospital ang biktima agud madapatan sang nagakaigo nga pagbulong ang naangkon nga samad.
Samtang madasig naman nga nagpalagyo ang suspek matapos ang insedente.
-- ADVERTISEMENT --
Nagaguha sa imbestigasyon nga daan nga hiligut-anon ang motibo sang pagbuno ni Gardose kay Ladoc.
