Lalaki nga nagatabuk sa karsada aksidente nga nabungguan sang motorsiklo

SIGMA, CAPIZ – Pilason nga ginpadangat sa ospital ang 55-anyos nga lalaki matapos aksidente nga nabungguan sang isa ka motorsiklo sa Barangay Poblacion Sur, Sigma, Capiz.

Ginkilala ang biktima nga si Felix Ebagat sang Barangay Poblacion Norte, Sigma, Capiz.

Ba-se sa imbestigasyon gikan sa Roxas City ang driver sang motorsiklo nga si Roel Paitone sang Barangay Quinayuya, Dao, Capiz kag magapauli na kuntani sa banwa sang Dao.

Apang pag-abot sa Poblacion Sur, Sigma, wala nadiparahan ang pagtabuk ni Ebagat rason nga iya ini nabungguan.

Nag-angkon sang kapilasan sa lawas ang biktima kag ginbulong sa ospital.