ROXAS CITY -Presuhan ang ginsudlan sang isa ka lalalaki nga nagbaligya sang peke nga sigarilyo sa isa ka tiyangge sa banwa sang Ivisan, Capiz.
Ginkilala ang suspek nga si Joselito Artuz 23-anyos sang Veterans Village Zone 8, Iloilo City nga nadakpan sang mga pumuluyo kag ni barangay tanod Noli Crispo matapos nga ginreklamo ni Judily Isiderio, tag-iya sang sari sari store nga ginbaligyaan sang peke nga sigarilyo.
Samtang yara ang duha sa tiyangge sang ginang, nakaangkon sang komosyon matapos nga kulang ang sigarilyo nga gindeliver sang suspek.
Ginpanindugan ni Isiderio nga indi magabayad lamang ini, kun ang makumpleto na ang nasambit nga items.
Ginkaakig ini sang suspek kag iya gintikwang ang ginang kasunod ang pagdalagan palayo sa tiyangge, apang nadakpan sang mga pumuluyo nga nagresponde.
Samtang nagpadulong sa Ivisan PNP ang salesman sang Visayan Kharis Distribution Inc., nga si Jonel Alparaque 29-anyos kag ginkumpirma nga peke ang produkto nga gindala ni Artuz sa tiyangge ni Isiderio.
Natalana nga pasakaan sang panumbungon nga paglapas sa section 155 sang Intellectual Property Code of the Philippines si Artuz.
