Lalaki nga naglapas sa smoke-free ordinance sang Mandaluyong city, ginserbehan sang warrant of arrest sa Panay, Capiz

ROXAS CITY – Arestado ang 36-anyos nga lalaki matapos serbehan sang warrant of arrest sang mga katapo sang Panay MPS, sa paglapas sa City Ordinance no. 730, S-2019 ukon ang “Comprehensive smoke-free Ordinance” sang Mandaluyong City.

Ginkilala ang gin-aresto kay Jessie Besorio Bernas, nga residente sang Brgy. Bago Grande Panay, Capiz.

Ginpirmahan kag ginpapanaug ang warrant of arrest ni Hon. Karyn Lee A. Tribaco, Presiding Judge sang MTC, NCR region, Branch 100, Mandaluyong City, napetsahan Pebrero 23, 2022.

Ginrekomendar sang korte ang kantidad nga P500 para sa temporaryo nga kahilwayan sang nasambit nga persona.

Sa karon, yara ini ginkustodiya sa Panay MPS antes pagadal-on sa iya court of origin.