-- ADVERTISEMENT --
ROXAS CITY – Nagparekord sa Roxas City Police Station ang isa ka 61-anyos nga persona matapos nga ginaalegar may yara sang natabo nga kinagamo sa Barangay Bolo, Roxas City.
Ginkilala ang tagreklamo nga si Arthur Cuava sang nasambit nga lugar.
Sandig sa ginpabalhag sang tagreklamo nga ginaalegar nagatuga sang kinagamo ang suspek nga si Joenito De Pedra 31-anyos kun sa diin ginapahayag nga may yara ini sang dala nga kutsilyo kag nagsulod sa balay sang iya nga pakaisa nga si Adonis Baulos 40-anyos kag hinalli na lamang ini nga ginsumbag.
Bangud diri, ginpakamaayo na lamang nga iparekord sa pulisya ang natabo.
Daan nga hiligut-anon ang rason sang nasambit nga kinagamo.
-- ADVERTISEMENT --
