Lalaki nga nagmaoy sa Barangay III, Roxas City, ginhunong sa karsel

ROXAS CITY-Ginhunong sa karsel sang Roxas City Police Station ang isa ka lalaki matapos ginaalegar nagmaoy sa Barangay III, Roxas City.

Ginkilala ang biktima nga si Wesley Selda, 45-anyos, residente sang Lapu-Lapu Street, Barangay III, sining siyudad.

Sandig sa alegasyon sang biktima nga nagpadulong sa iya nga home office ang suspek nga si Imardi Arevalo residente sang Barangay Tanque, sining siyudad kag nagtuga sang kinagamo.

Ginsablaw pa sang biktma ang suspek apang indi magpamati.

Ginpakamaayo sang biktima nga magpangayo sang respondi sa mga kapulisan kun sa diin aresto si Arevalo.

Mahibaluan nga yara sa idalom sang impluwensiya sang makahulubog nga ilimnon ang suspetsado.