ROXAS CITY – Ginhilway na sa kostodiya sang pulisya ang 38-anyos nga lalaki nga ginreklamo sa pag-oral sex sa 22-anyos nga roommate sa Barangay Balabag, Isla sang Boracay.
Ini matapos nga nagdesisyon ang biktima nga si alyas Willie sang San Jose Occidental Mindoro nga indi na pag-ipadayon ang pagpasaka sang kaso batuk kay alyas Mariano sang Barangay Balingasag, Cuartero, Capiz.
Sa interview sang Bombo Radyo kay Patrolman Jessie Nolido, imbestigador sang Malay PNP, ginpahayag sini nga nagdangup sa ila istasyon ang biktima para i-reklamo ang suspek nga naghimo sa iya sang kabastusan samtang ini ang nagakatulog sa ila nga boarding house.
Nahibaluan nga mahamuok ang tulog ni Alyas Willie sang makabatyag nga may kamot sa iya nga kinatawo.
Pagmuklat sang mata sang biktima, nakita sini ang pag-oral sex sa iya sang suspek.
Gilayon niya nga gintiklod si Mariano kasunod sa pagbatak sa ginluslos nga shorts kag nagpangayo sang bulig sa mga pulis.
Samtang sa pag-imbestiga sang pulis sa suspek, ginpahayag sini nga nagsunod lamang siya sa mandu ni alyas Jun-Jun nga i-oral sex ang biktima, kabaylo ang P500 nga kantidad.
