DAO, CAPIZ – Nagapabilin nga at-large ang isa ka lalaki nga nagtuyo tiruhon ang iya pakaisa sa Barangay Aganan, Dao, Capiz.
Sandig sa imbestigasyon sang Dao Municipal Police Station nga naglabay ang hubog nga suspek nga ginkilala kay Jose Estorque sa balay sang biktima nga si Allan Dellave 29-anyos.
Nakaangkon sang mainit nga pagbaisay si Estorque kag ang amay sang biktima sa diin hinali sini ginkuha ang .45 caliber pistol sa iya kilid kag tuyo luthangon si Dellave kag ang amay sini.
Apang malas nga nahulog ang magazine sang armas, rason nga nagdalagan pasulod sa ila balay ang mag-amay.
Kasunod sini ang pagguha naman sang utod sang biktima kag ang ila pagsumbaganay sang suspek, apang naagaw sang biktima ang armas kag sang nakita ini sang suspek, madasig ini nga nagpalagyo.
Sa pagresponde sang mga kapulisan naka-rekober sila sang pito ka live ammunition sa ginluntaran sang insedente.
Samtang desidido naman ang pamilya Dellave nga pasakaan sang panumbungon si Estorque agud magtanda na ini.
