Lalaki nga nakit-an sa banwa sang Tapaz, wala na sang kabuhi

ROXAS CITY – Wala na sang kabuhi sang makit-an ang isa ka lalaki sa National Road sang Barangay Taft, Tapaz, Capiz alas 7:30 sang aga.

Ginkilala ang biktima kau  Sergio Robiso 63-anyos kag residente sang Barangay Malitbog sang nasambit nga banwa.

Sa impormasyon nagikan sa Tapaz Municipal Police Station, padulong kun tani si Ricky Plaza sa isa ka tindahan agud magbakal sang tinapay sang makit-an sini si Robiso nga nagakulob kag wala na sang kabuhi.

Bangud sini, gilayon ni Plaza nga ginreport sa ila barangay.

Patal nga pilas sa ulo ang naangkon sang biktima rason nga gintunaan sang iya kamatayon.

Sa karun, padayon pa ang imbestigasyon angut sa insidente.